You are here: Bombay Orthodox Diocese»Learn Orthodoxy»വിശുദ്ധ കുർബാന നിത്യ ജീവന്റെ ആഹാരം ആണ് ......

വിശുദ്ധ കുർബാന നിത്യ ജീവന്റെ ആഹാരം ആണ് ......

images (3)“പരുദീസയിലാദാം രുചിനോക്കാ -ത്തഫലം
സാമോദം -വയ്ക്കുന്നീനാൾ നിൻ വായിൽ “

വിശുദ്ധ മാമോദീസ സ്വീകരിച്ച സ്നാനർത്തിക്ക് വിശുദ്ധ കുർബാന നൽകുമ്പോൾ ചൊല്ലുന്ന ഗീതം ആണിത് .വിശുദ്ധ മാമോദീസ സ്വീകരിച്ചാലുടൻ ഓർത്തഡോൿസ്‌ സഭയിൽ വിശുദ്ധ കുർബാന നല്കുന്ന പതിവാണ് ഉള്ളത് . കാരണം ആ നിമിഷം മുതൽ കർത്താവുമാ യുള്ള ബന്ധത്തിലും സംസർഗത്തിലും ആ വിശ്വാസി വളർന്നു ക്രിസ്തു എന്ന തലയോളം എത്തണം .

അനന്തരം യഹോവയായ ദൈവം കിഴക്കു ഏദെനിൽ ഒരു തോട്ടം ഉണ്ടാക്കി, താൻ സൃഷ്ടിച്ച മനുഷ്യനെ അവിടെ ആക്കി.കാണ്മാൻ ഭംഗിയുള്ളതും തിന്മാൻ നല്ല ഫലമുള്ളതുമായ ഓരോ വൃക്ഷങ്ങളും തോട്ടത്തിന്റെ നടുവിൽ ജീവവൃക്ഷവും നന്മതിന്മകളെക്കുറിച്ചുള്ള അറിവിന്റെ വൃക്ഷവും യഹോവയായ ദൈവം നിലത്തുനിന്നു മുളെപ്പിച്ചു.യഹോവയായ ദൈവം മനുഷ്യനെ കൂട്ടിക്കൊണ്ടു പോയി ഏദെൻ തോട്ടത്തിൽ വേല ചെയ്‍വാനും അതിനെ കാപ്പാനും അവിടെ ആക്കി.യഹോവയായ ദൈവം മനുഷ്യനോടു കല്പിച്ചതു എന്തെന്നാൽ: തോട്ടത്തിലെ സകലവൃക്ഷങ്ങളുടെയും ഫലം നിനക്കു ഇഷ്ടംപോലെ തിന്നാം.എന്നാൽ നന്മതിന്മകളെക്കുറിച്ചുള്ള അറിവിന്റെ വൃക്ഷത്തിൻ ഫലം തിന്നരുതു; തിന്നുന്ന നാളിൽ നീ മരിക്കും.എന്നാൽ ദൈവീക കൽപന നിരസിച്ച മനുഷ്യൻ നന്മ തിന്മകളുടെ അറിവിന്റെ വൃക്ഷത്തിൻ ഫലം ഭക്ഷിച്ചു ,മരണത്തിന് അവകാശിയായി .അനന്തരം യഹോവയായ ദൈവം: മനുഷ്യൻ നന്മതിന്മകളെ അറിവാൻ തക്കവണ്ണം നമ്മിൽ ഒരുത്തനെപ്പോലെ ആയിത്തീർന്നിരിക്കുന്നു; ഇപ്പോൾ അവൻ കൈനീട്ടി ജീവവൃക്ഷത്തിന്റെ ഫലംകൂടെ പറിച്ചു തിന്നു എന്നേക്കും ജീവിപ്പാൻ സംഗതിവരരുതു എന്നു കല്പിച്ചു.അവനെ എടുത്തിരുന്ന നിലത്തു കൃഷി ചെയ്യേണ്ടതിന്നു യഹോവയായ ദൈവം അവനെ ഏദെൻ തോട്ടത്തിൽനിന്നു പുറത്താക്കി.ഇങ്ങനെ അവൻ മനുഷ്യനെ ഇറക്കിക്കളഞ്ഞു; ജീവന്റെ വൃക്ഷത്തിങ്കലേക്കുള്ള വഴികാപ്പാൻ അവൻ ഏദെൻ തോട്ടത്തിന്നു കിഴക്കു കെരൂബുകളെ തിരിഞ്ഞുകൊണ്ടിരിക്കുന്ന വാളിന്റെ ജ്വാലയുമായി നിർത്തി.അങ്ങനെ പറുദീസയിൽ നിന്ന് ഇറങ്ങേണ്ടി വന്ന മനുഷ്യന്(ആദാമിന് ) ജീവവൃക്ഷത്തിന്റെ ഫലം ഭക്ഷിക്കാൻ സാധ്യമാവാതെ പോയി .

images (1)ദൈവം തന്റെസാദൃശ്യപ്രകാരം സ്വരൂപത്തിൽ മനുഷ്യനെ സൃഷ്ടിച്ചു, എന്നാൽ മനുഷ്യൻ പാപം ചെയ്തത് മൂലം തന്നിലെ ദൈവീക സ്വഭാവം നഷ്ടപെടുത്തി .എന്നാൽ തന്റെ ഏകജാതനായ പുത്രനിൽ വിശ്വസിക്കുന്ന ഏവനും നശിച്ചുപോകാതെ നിത്യജീവൻ പ്രാപിക്കേണ്ടതിന്നു ദൈവം അവനെ നല്കുവാൻ തക്കവണ്ണം ലോകത്തെ സ്നേഹിച്ചു.മനുഷ്യനെ ഇത്രമേൽ സ്നേഹിച്ച പിതാവാം ദൈവം തന്റെ മകനെ ലോകത്തിലേക്ക് , തന്റെ സ്വരൂപത്തെ വീണ്ടെടുക്കുന്നതിന് ലോകത്തിലേക്ക് അയച്ചു . മനുഷ്യൻ ദൈവത്തെ പോലെ ആകുന്നതിന് ദൈവം മനുഷ്യനായി .അവൻ പറഞ്ഞു ….“ഞാൻ ജീവന്റെ അപ്പം ആകുന്നു; ആമേൻ, ആമേൻ, ഞാൻ നിങ്ങളോടു പറയുന്നു: വിശ്വസിക്കുന്നവന്നു നിത്യജീവൻ ഉണ്ടു.ഞാൻ ജീവന്റെ അപ്പം ആകുന്നു..ഇതോ തിന്നുന്നവൻ മരിക്കാതിരിക്കേണ്ടതിന്നു സ്വർഗ്ഗത്തിൽനിന്നു ഇറങ്ങുന്ന അപ്പം ആകുന്നു.സ്വർഗ്ഗത്തിൽനിന്നു ഇറങ്ങിയ ജീവനുള്ള അപ്പം ഞാൻ ആകുന്നു; ഈ അപ്പം തിന്നുന്നവൻ എല്ലാം എന്നേക്കും ജീവിക്കും; ഞാൻ കൊടുപ്പാനിരിക്കുന്ന അപ്പമോ ലോകത്തിന്റെ ജീവന്നു വേണ്ടി ഞാൻ കൊടുക്കുന്ന എന്റെ മാംസം ആകുന്നു.യേശു പിന്നെയും പറഞ്ഞു …..”ആമേൻ, ആമേൻ, ഞാൻ നിങ്ങളോടു പറയുന്നു: നിങ്ങൾ മനുഷ്യപുത്രന്റെ മാംസം തിന്നാതെയും അവന്റെ രക്തം കുടിക്കാതെയും ഇരുന്നാൽ നിങ്ങൾക്കു ഉള്ളിൽ ജീവൻ ഇല്ല.എന്റെ മാംസം തിന്നുകയും എന്റെ രക്തം കുടിക്കയും ചെയ്യുന്നവന്നു നിത്യജീവൻ ഉണ്ടു; ഞാൻ ഒടുക്കത്തെ നാളിൽ അവനെ ഉയിർത്തെഴുന്നേല്പിക്കും.എന്റെ മാംസം തിന്നുകയും എന്റെ രക്തം കുടിക്കയും ചെയ്യുന്നവൻ എന്നിലും ഞാൻ അവനിലും വസിക്കുന്നു.കർത്താവായ യേശുവിനെ കാണിച്ചുകൊടുത്ത രാത്രിയിൽ അവൻ അപ്പം എടുത്തു സ്തോത്രം ചൊല്ലി നുറുക്കി:ഇതു നിങ്ങൾക്കു വേണ്ടിയുള്ള എന്റെ ശരീരം; എന്റെ ഓർമ്മെക്കായി ഇതു ചെയ്‍വിൻ എന്നു പറഞ്ഞു.അവ്വണ്ണം തന്നേ അത്താഴം കഴിഞ്ഞശേഷം അവൻ പാനപാത്രവും എടുത്തു; ഈ പാനപാത്രം എന്റെ രക്തത്തിൽ പുതിയനിയമം ആകുന്നു; ഇതു കുടിക്കുമ്പോഴൊക്കെയും എന്റെ ഓർമ്മെക്കായി ചെയ്‍വിൻ എന്നു പറഞ്ഞു.അങ്ങനെ നിങ്ങൾ ഈ അപ്പം തിന്നുകയും പാനപാത്രം കുടിക്കയും ചെയ്യുമ്പോഴൊക്കെയും കർത്താവു വരുവോളം അവന്റെ മരണത്തെ പ്രസ്താവിക്കുന്നു.യേശു അപ്പം എടുത്തു വാഴ്ത്തി നുറുക്കി ശിഷ്യന്മാർക്കു കൊടുത്തു: “വാങ്ങി ഭക്ഷിപ്പിൻ; ഇതു എന്റെ ശരീരം” എന്നു പറഞ്ഞു.പിന്നെ പാനപാത്രം എടുത്തു സ്തോത്രം ചൊല്ലി അവർക്കു കൊടുത്തു: “എല്ലാവരും ഇതിൽ നിന്നു കുടിപ്പിൻ.ഇതു അനേകർക്കുവേണ്ടി പാപമോചനത്തിന്നായി ചൊരിയുന്ന പുതിയ നിയമത്തിന്നുള്ള എന്റെ രക്തം;…..എന്ന് പറഞ്ഞു …..പഴയ നിയമത്തിൽ യഹോവയായ ദൈവം യിസ്രായേൽ മക്കളോട് ഉടമ്പടി ചെയ്യ്തു .പുതിയ നിയമത്തിൽ കർത്താവാ യ യേശു അപ്പ വീഞ്ഞുകളിലൂടെ പുതിയ നിയമ സഭയോടും ഉടമ്പടി ചെയ്യുന്നു . ഇത് എന്റെ ശരീരം ,ഇത് എന്റെ രക്തം . ഇത് നിങ്ങൾക്ക് പാപ മോചനത്തിനായി നൽകുന്നതാണ് . നിങ്ങൾ ഇത് ഭക്ഷിക്കണം ….അതെ ഇതു ജീവന്റെ വൃക്ഷത്തിൻറെ ഫലമാണ് , നിത്യ ജീവന്റെ ആഹാരം ആണ് . പറുദീസയിൽ ആദാമിന് രുചിക്കാനാവാത്ത ഫലം എന്ന് വിശുദ്ധ കുർബാനയിലൂടെ നമുക്ക് ലഭിക്കുന്നു .

പ്രിയരേ ,

images (4)കർത്താവിനോടും പണ്ട് അവിശ്വാസികളായ യെഹൂദന്മാർ നിന്റെ മാംസം ഭക്ഷിക്കുവാൻ എങ്ങനെ തരും എന്ന് ചോദിക്കയുണ്ടായി . ഇന്നും ചിലർ ചോദിക്കുന്നു , അപ്പത്തിൽ എങ്ങനെ കർത്താവ്‌ വസിക്കും ? ഇതു വെറും ഓർമ്മ മാത്രം എന്ന് . എന്നാൽ നമുക്കിത് വെറും ഓർമ്മ മാത്രം അല്ല . നമ്മുടെ കർത്താവ്‌ അപ്പ വീഞ്ഞുകളിലൂടെ നമ്മിലേക്ക്‌ വരികയാണ് . അവനും നമ്മളും ഒന്നാകുന്ന അനുഭവം ആണ് .ഞായറാഴ്ചകളിൽ പുതിയ നിയമ സഭ ഒന്നാകെ ദൈവ സന്നിധിയിൽ ബലിയായി (കാഴ്ച) അർപ്പിക്കുന്ന അപ്പ വീഞ്ഞുകൾ സ്വീകരിക്കുന്ന ദൈവം തന്റെ പരിശുദ്ധ ആത്മാവിനെ അയച്ചു ഈ അപ്പ വീഞ്ഞുകളെ കർത്താവിന്റെ തിരു ശരീര രക്തങ്ങൾ ആയി രൂപാന്തരപെടുത്തുന്നു . ഇത് വലിയ ഒരു രഹസ്യമാണ് .ഇവയെ ആരാധിപ്പാൻ അല്ലാതെ വിവേചിപ്പാൻ നമുക്ക് അധികാരമില്ല . വിശുദ്ധ മാമോദിസായിൽ വെള്ളത്താലും ആത്മാവാലും ഉള്ള സ്നാനത്താൽ നിത്യ ജീവൻ ലഭിക്കുന്നത് പോലെ അപ്പ വീഞ്ഞുകളിലൂടെ കർത്താവ് നമ്മിലേക്ക്‌ വരുന്നു .എന്റെ മാംസം തിന്നുകയും എന്റെ രക്തം കുടിക്കയും ചെയ്യുന്നവൻ എന്നിലും ഞാൻ അവനിലും വസിക്കുന്നു എന്നാണല്ലോ കർത്താവ്‌ പറഞ്ഞിട്ടുള്ളത് .പരിശുദ്ധ ത്രിത്വം ഒന്നായി നില്ക്കുന്നത് പോലെ കർത്താവും നമ്മളും ഒന്നായി തീരുന്ന അനുഭവം ആണ് ഈ ബലിയിലൂടെ നമുക്ക് ലഭിക്കുന്നത് . മുന്തിരി തണ്ടിൽ കൊമ്പുകൾ വസിക്കുന്നത് പോലെ കർത്താവായ യേശുവിൽ നാം നിത്യമായി വസിക്കുന്ന അനുഭവം .ഇതിലൂടെ നാം നിത്യ ജീവനിൽ പങ്കാളികൾ ആവുകയും ചെയ്യുന്നു ….ആയതിനാൽ വിശുദ്ധ കുർബാന നിത്യ ജീവന്റെ ആഹാരം ആണ് .