You are here: Bombay Orthodox Diocese»Diocese News»ബോംബെ ഓർത്തഡോൿസ് കൺവെൻഷന്റെ ഒരുക്കങ്ങൾ പൂർത്തിയായി

ബോംബെ ഓർത്തഡോൿസ് കൺവെൻഷന്റെ ഒരുക്കങ്ങൾ പൂർത്തിയായി

മലങ്കര ഓർത്തഡോൿസ് സഭയുടെ ബോംബെ ഭദ്രാസനത്തിന്റെ നേതൃത്വത്തിൽ എല്ലാവർഷവും നടത്തി വരുന്ന ബോംബെ ഓർത്തഡോൿസ് കൺവെൻഷൻ 2017 , ജനുവരി 25 മുതൽ 29 വരെ നടക്കും. ഈ വർഷത്തെ കൺവെൻഷന് നേത്രത്വം നൽകുന്നത് പ്രശസ്ത പ്രാസംഗീകൻ വന്ദ്യ ജോസഫ് ശാമുവേൽ കറുകയിൽ കോർ എപ്പിസ്‌കോപ്പ ആണ്.

ജനുവരി 25 മുതൽ 28 വരെ വിവിധ മേഖല കൺവെൻഷനുകൾ നടക്കും . ജനുവരി 25 വൈകുന്നേരം വെസ്റ്റേൺ റീജിയൻ കൺവെൻഷൻ വസായ് സെന്റ് തോമസ് ദേവാലയത്തിലും, ജനുവരി 26 ന് സൂററ്റ് റീജിയൻ കൺവെൻഷൻ വാപ്പി സെന്റ് മേരീസ് ദേവാലയത്തിലും, 27 ന് കല്യാൺ റീജിയൻ കൺവെൻഷൻ കല്യാൺ സെന്റ് തോമസ് ദേവാലയത്തിലും , സെൻട്രൽ റീജിയൻ കൺവെൻഷൻ താനെ സെന്റ് സ്റ്റീഫൻസ് ദേവാലയത്തിലും നടക്കും.

ജനുവരി 29 ഞായാറാഴ്ച മെഗാ കൺവെൻഷൻ വാശി സെന്റ് മേരീസ് സ്കൂൾ ഗ്രൗണ്ടിൽ നടക്കും . അന്നേ ദിവസം വൈകുനേരം 4 മണി മുതൽ ടീൻസ് , യൂത്ത്, എൽഡേഴ്സ്, യുവ ദമ്പതികൾ എന്നിവർക്ക് വേണ്ടി വിവിധ യോഗങ്ങൾ ക്രമീകരിച്ചിട്ടുണ്ട്.6 .30 ന് സന്ധ്യാ നമസ്കാരത്തെ തുടർന്ന് നടക്കുന്ന മെഗാ കൺവെൻഷന് ബോംബെ ഭദ്രാസന മെത്രാപോലീത്ത അഭിവന്ദ്യ ഗീവര്ഗീസ് മാർ കൂറിലോസ് അധ്യക്ഷത വഹിക്കും.   വന്ദ്യ ജോസഫ് ശാമുവേൽ കറുകയിൽ കോർ എപ്പിസ്‌കോപ്പ മുഖ്യ സന്ദേശം നൽകും .ബോംബെ ഡൈയോസീഷ്യൻ കൊയർ ഗാന ശ്രുശൂഷക്ക് നേതൃത്വം വഹിക്കും . മുംബൈ , പൂനെ , നാസിക് , ഗുജറാത്ത് മേഖലകളിൽ നിന്നായി 5000 -ൽ അധികം വിശ്വാസികൾ സമാപന യോഗത്തിൽ പങ്കെടുക്കുമെന്ന് കരുതുന്നു . ഭദ്രാസനത്തിലെ എല്ലാ ഇടവകളിൽ നിന്നും പ്രേത്യേക വാഹന സൗകര്യങ്ങൾ ഒരുക്കിയിട്ടുണ്ട് .

ബോംബെ ഭദ്രാസനത്തിലെ മുഴുവൻ ജനങ്ങളെയും പങ്കെടുപ്പിച്ചു കൊണ്ട് സംഘടിപ്പിക്കുന്ന കൺവെൻഷൻ യോഗങ്ങളിലും , ക്ലാസ്സുകളിലും സംബന്ധിച്ച് ആത്മീയ പുതുക്കം പ്രാപിക്കുവാൻ ഏവരുടെയും പ്രാർത്ഥന പൂർവ്വമായ സാനിദ്ധ്യം ക്ഷണിച്ചുകൊള്ളുന്നു.